Венера Аитова картлык турында: Акыл өйрәтергә яратучыга әверелмәбезме?

Журналист Венера Аитова «Секс в большом городе» фильмының дәвамы «И просто так!»ны караганнан соң инстадуслары белән уйларын уртаклашкан.

«Уйларыма батып утырам әле. Ә башта мең сорау. Без дә 50дә (60-70тә!) шундый ук булырбызмы? Ни рәвешле картаербыз?

Акыл өйрәтергә яратучы, сорамаган килеш киңәш бирергә ашыгучы #минбарысындабеләм гә әверелмәбезме? (аның өчен нинди дару эчәргә?))

Янәшәбездә дә шул ук хәзерге дуслар/туганнар калырмы? Ни өчен вакыт узу белән кайбер якын кешеләр ерагая, ә ераклар якыная?

Яшь бару белән (аеруча), һәрнәрсәдә гади чын хисләр таләп иткән күңелгә ярарлык/таянырлык кешеләр, «җан дуслар» калырмы?» һ.б.һ.б.

«Әнием 60 яшь иң шәп вакыт ул, кызым, ди! Мине шул тынычландыра! Әле дә садикка йөргән кызлары белән гөрләшеп аралашып яши».

«Әниләр ничек матур картайган, без дә шулай картаербыз инде», дип тынычландырганнар аны инстадуслары.

ИТ