Валентина Сурнаева: «Үземне, якыннарымны газета битләрендә күрү сөендерә»

Валентина Сурнаева инде «Туганайлар» газетасын чыга башлаганнан бирле алдыра.

«Үзебезнең керәшен газетасын озак еллардан бирле бик яратып укыйм. Ул хисләребезне, йола-гадәтләребезне, күренекле язучыларны, укытучыларны, артистларны, гади халкыбыз турында да язмалар әзерли. Бәйрәмнәребез, тарихыбыз турындагы язмаларны кызыксынып укыйм. Үземне дә, якыннарымны, танышларымны газета битләрендә күреп сөенәм. Газета редакциясе коллективы басманы тагын да кызыклырак һәм эчтәлеклерәк итү өчен укучылар фикеренә дә колак сала. Социаль челтәр битләрендә төрле сораштырулар үткәрә, бу миңа ошый, һәрвакыт җавап бирергә тырышам», — диде ул.