Вакцинациянең кайчан төгәлләнүе билгеле

Бу хакта республиканың баш эпидемиолог Дмитрий Лопушов хәбәр итте.

“Россиядә теркәлгән барлык вакциналар да Татарстанда бар. 175 вакцинация пунктларының кайберләре бүген ябылачак. “Мега” сәүдә үзәгендә тәүлек буе эшләүче пункт кичке 10га кадәр генә эшләячәк”, - диде Дмитрий Лопушов.

Сүз уңаеннан, республика халкына вакцина ясатуны декабрь аенда төгәлләү планлаштырылган булган. Әмма прививка ясатмаучылар әле булу сәбәпле, вакцинация гыйнвар аенда гына төгәлләнер дип көтелә. Әйтик, студентларның – 55%, урта буынның – 94%, өлкән буынның 64 проценты гына вакцина ясаткан.

Дмитрий Лопушов сүзләренчә, Татарстанда 34314 кеше, шул исәптән узган тәүлектә 116 кеше коронавирустан дәваланган. “Ковид белән авыручылар өчен хстаханәләрдә махсус булдырылган койкалар киметелә башлады, чөнки авыручылар саны кимүгә бара”, - диде ул.

ШК