Вадим Захаров: "Җырчы булыр өчен халык күңелен яуларга кирәк"

"Һәрбер өлкәдә дә профессионаллар булырга тиеш. Мин, мәсәлән, бер белемсез теш врачы булып эшли алмыйм бит. Шуның кебек җырчы булыр өчен дә белем кирәк. Миннән күпләр: "Вадим абый, җырчы булып китү өчен ничә сум акча кирәк булыр икән?", - дип сорый. Бу эшне бик җайлы дип уйлылар. Дөрес, бүгенге көндә радио, телевидение акчага корылган. Акчаң булмаса, анда сине белмиләр дә, раскруткаң да булмый. Тик шулай да, түләнгән акчаң да кайчанда булса бетә. Халык күңеле дигән нәрсә дә бар бит әле. Алар сине ничек кабул итүе мөһим", - ди җырчы.