Усали мәктәбе укучылары Бөтенроссия конференциясеннән җиңү белән кайттылар

Академик Камил Вәлиев исемендәге Бөтенроссия конференциясеннән Мамадыш районы Усали урта мәктәбе укучылары зур уңышлар белән кайтты. Мәктәбебезгә Дружба посёлогыннан килеп белем алучы 9нчы класс укучысы Аделина Смирнова рус теле секциясендә лауреат дипломы, Албай һәм Владимирдан авылларыннан килеп урта белем алучы 11нче класс укучылары Виталий Кирушин һәм Альберт Юзеевлар тарих секциясенннән III урын белән җиңүче дипломына ия булдылар. Усали кызы Алина Насибуллина татар теле секциясеннән I урын дипломын алып кайтып сөендерде. Укучыларыбызга алга таба да зур уңышлар телибез.

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз. Яңалыкларыгызны 89172509795 номерына "Ватсап" аша языгыз