Укучыларыбыз игътибарына!

"Туганайлар" газетасы һәр айның икенче һәм дүртенче атнасының четверг көннәрендә Яр Чаллы шәһәренең "Глагол" типографиясендә басыла. Четверт, типографиядән чыкканнан соң, газета Чаллының сортировкасына килә, аннан Казанга җибәрелә. Башкалада "Идел-пресс" эскпедированиесенә эләккәнче, Столбищедагы логистик посылкалар үзәгенә килә. Әлеге үзәк газетаны Казан шәһәренең Привокзальная, 1 адресы буенча урнашкан үзәккә җибәрә. Шуннан соң гына, шимбә көнне газетабыз "Идел-пресс" типографиясенә килеп җитә. Ял көннәрендә цехта ятып, понедельник көнне районнарга җибәрелә. Авылларда "Туганайлар"ны, район үзәкләреннән ераклыгына һәм почта бүлекләренең эшләү көннәренә карап, среда, четверг, пятница көннәрендә генә тараталар. Шулай итеп, газетабыз бер-ике атна яраткан укучысына килеп җитә алмый. Бу хәл әзер газетаны үзе дә 5 көннән соң гына алучы редакция коллективын да бик борчый. Газетаны бастыруны Казанга күчерү мәсьәләсен редакция "Татмедиа" җитәкчелеге алдына ел башында ук куйган иде инде. Бу мәсьәлә тиздән уңай хәл ителер, дип көтәбез.

2017 елның икенче яртыеллыгыннан Россия каталогына керүдән баш тарттык. Чит төбәкләрдә подписчикларыбыз аз булу сәбәпле, каталогта калу редакциягә кыйммәткә төшә. Татарстаннан читтә яшәүчеләргә электрон подписка тәкъдим итәбез. Моның өчен редакциянең электрон почтасына (tuganaylar@yandex.ru) заявка җибәрергә кирәк. Газетаның электрон форматын электрон почта аркылы чыккан көнне үк подписчикларга җибәреләчәк. Электрон подписчиклар өчен газетаның бәясе аена 50 сум булачак.