“Туганайлар” журналистлары эшкә милли киемнәрдән килде

2020 елда коронавирус таралуны кисәтү максатында, барлык бәйрәмнәр онлайн форматка күчте. Ел башында 18 июльгә билгеләнгән керәшеннәрнең республикакүләм Питрау бәйрәме дә быел интернетта гына үтәчәк. Шул рәвешле, элеккедән килгән җола буенча, керәшеннәр җиде көн – Питрау атнасы дәвамында онлайн бәйрәм итә ала. 

Карендәшләр! Питрау көнне Олы җыенда очраша алмасак та, онлайн форматта күрешә алабыз! “Туганайлар” редакциясе милли киемне саклау, пропагандалау һәм Питрау рухын булдыру максатында “Питрауга - җола буенча” дип исемләнгән флешмоб игълан итте. Шул уңайдан, ТАТМЕДИА бинасында урнашкан эш урыныбызга милли киемнәребездә килдек. Сез дә безгә кушылыгыз! 

Питрау атнасы дәвамында, июль аенда социаль челтәрләрендәге аккаунтларыгызда #питрау2020 #туганайлар #керәшенкиеме #милликием #одеждакряшен #онлайнпитрау #туганайларпитрауда хештеглары белән фотолар урнаштырыйк. Питрау рухы күңелләрдә генә түгел, интернетта да булсын!

Юлия Губина "Туганайлар" газетасының баш редакторы

Алёна Низамова, редактор

Энҗе Сабирова, офис-менеджер

Милена Новикова, корреспондент

Олеся Дмитриева, корреспондент