Түбән Кама керәшеннәре күптән көткән шатлыклы вакыйга

6 декабрьдә Түбән Кама шәһәре керәшеннәренең хәзергә әле бердәнбер булган Рождество Христова чиркәвен аруландырачаклар. Бәйрәм келәвен Казан һәм Татарстан митрополиты Кирилл үзе алып барачак. Служба иртәнге сәгать 9да башлана.

Соңыннан кунакларны Вадим Захаров, "Ямьле" төркеме, Игнат Изотов һәм башка танылган артистлар чыгышы көтә. 

2019 елның июлендә нигез салынган бу керәшен чиркәвенең биеклеге – 27 метр, ул 350-400 кешегә исәпләнгән. Аның ишек-тәрәзәләре куелып, идәннәре җылытылган һәм инде биеклеге 10 метрлап булган иконастас та урнаштырылган. Үзәктә – Иисус Христос тәресе һәм, шулай ук, уннарча изгеләрнең төсләре. Рождество Христова чиркәве Түбән Камадагы бердәнбер керәшен храмы булмаячак. Олы юлдан шәһәргә кергәндә уң якта – Чәбия (үз нигезен ак кала төзелешенә биреп, җир йөзеннән юкка чыккан авыл) зираты янәшәсендә Изге Спиридон Тримифунтский чиркәве салыначак. Шушы көннәрдә ул яңа храм төзеләчәк урындагы качны аруландыру тантанасы оештырылды.