Түбән Юшадыда уздырылган Ибану бәйрәмендә төрле милләт вәкилләре катнашкан

“Бәйрәмебез кунагы, Минзәлә Муниипаль районы башлыгы урынбасары Марк Токарев авылда яшәүче өлкән түти-дәдәйләрне котлады һәм тамырлары безнең авылга тоташкан Луиза Токарева җибәргән күчтәнәчләрне, тәмле чәк-чәкләрне тапшырды. Шулай ук, авыл җирлеге, район админстрациясе исеменнән, авылның иң өлкән кешесе – 86 яшен тутырып килуче Алексей Арзамасовка да хөрмәт күрсәтеп, бүләк бирделәр. 60 һәм 65 яшьләрен билгеләп үтүче юбилярлар авылдашыбызны һәрвакыт матди ярдәм күрсәтеп торучы спонсорыбыз Артем Арзамасов котлады”, – дип язды Наталья Чепкасова
Якын-тирә авыллардан үзешчән артистлар һәм Яңа Мәлкән авылыннан "Мәлкәнәй" халык фольклор ансабльләре үзләренең чыгышлары белән әлеге чараны тагын да ямьләндергән.
Бәйрәм кызыклы уеннар белән үрелеп барган. Бигрәк тә, ирләрнең тәбә тотып йөгерүләре, хатын-кызның чүкеч тотып кадак кагу осталыкларын күрсәтүләре кызыклы мавыктыргыч булган.
Бәйрәмдә керәшеннәр, татарлар, марилар, чувашлар һәм руслар бергәләп күңел ачканнар. Халыкның шундый бердәм, дус булуы сөендерә.фото