Түбән Кама священниклары – һәйкәл янында

Түбән Кама округы благочинные, протоиерей Александр Колчерин, Покровский округы благочинные, протоиерей  Виталий Кузьмин һәм башка священниклар – барысы бергә Җиңү монументы янына килделәр. Бөек Ватан сугышында һәлак булганнарга һәм фронттан кайтып, төрле елларда чын дөньяга күчкән сугыш ветераннарына хөрмәт һәм рәхмәт билгесе буларак, Җиңү монументына чәчәкләр салдылар. Дин һәм Ватан өчен  башларын салган юлбашчылар һәм сугышчыларны искә алып, барысы бергә “Вечная память”ны җырладылар.