Татарстанда җәмәгать транспортында йөрү бәясе артачак

Май аенда җәмәгать транспортында йөрү бәясе Казанда һәм Татарстанның Әлмәт, Түбән Кама һәм Минзәлә районнарында артачак, дип хәбәр итә "Татар-информ". Татарстан Тарифлар буенча дәүләт комитеты матбугат хезмәте хәбәрендә тарифларны үзгәртүгә гаризалар Казан, Әлмәт, Түбән Кама, Минзәлә районнары башкарма комитетларыннан бирелгәне турында әйтелгән. Алар инфляция, ягулык-майлау материалларына, энергия чыганакларына, шиналарга һәм запас частьләргә бәяләр арту, шулай ук хәрәкәт составын яңарту кирәклеге белән аңлатылган. 

Шулай итеп, Казанда транспорт чаралары салоннарында акчага сатып алынган билет 36 сум булачак. Исәп-хисап һәм транспорт картасы белән түләгәндә юл бәясе 31 сум булачак. 100 тапкыр транспортка утыруга исәпләгән озак вакытлы кулланылышлы билет буенча бер транспортка утыра 23 сумга төшәчәк.

Түбән Кама һәм Әлмәт районнарының җәмәгать транспортында йөрү - 28 сум, Минзәлә районында барлык категория гражданнар өчен юл йөрү бәясе 20 сум булачак.

Яңа тарифлар регулятор карарлары рәсми басылып чыкканнан соң ун көн узгач, үз көченә керә.