Татарстанда халыкка бушлай юридик ярдәм күрсәтеләчәк

Түләүсез консультация көннәрендә төрле категориядәгеләр: Бөек Ватан сугышы ветераннары, пенсионерлар, инвалидлар, эшсезләр, бюджет өлкәсендә хезмәт куючылар, балигъ булмаган яшүсмерләр, студентлар, хәрбиләр, чит ил гражданнары һәм гражданствосы булмаган кешеләр дә эш көне буена юридик ярдәм ала алалар. Юрист-консультантлар - республика Юстиция министрлыгы, Татарстан прокуратурасы, республика Конституцион суды җитәкчеләре һәм белгечләре. Юридик ярдәм Россия Федерациясе президентының Татарстан республикасындагы кабул итү бүлмәсендә, "Бердәм Россия" партиясе председателенең кабул итү кабинетында, Татарстан Республикасының җәмәгать палатасында, "Бердәм Россия" партиясенең шәһәр һәм районнардагы бүлекчәләрендә һәм Россия юристлары ассоциасиясенең Казан, Әлмәт , Бөгелмә шәһәрләрендәге Татарстан региональ халыкка юридик ярдәм күрсәтү үзәкләрендә күрсәтеләчәк. Ул телдән консультацияләр, язмача заключениеләр формасында, шулай ук интернет челтәрендәге On-line режимында һәм электрон почталар аша башкарылачак.