Татарстан Рәисе керәшен карендәшләргә дәүләт бүләкләре тапшырды

Рөстәм Миңнеханов билгеләп үткәнчә, дәүләт бүләкләре, традицион рәвештә, Республика көне алдыннан тапшырыла.

«Сезнең һәркайсыгызга, Ватанга лаеклы хезмәт итүегез, үз эшегезгә тугрылыклы булганыгыз һәм иҗади хезмәтегез өчен рәхмәт белдерәм. Сез барыгыз да үзегезнең хезмәтегез һәм талантыгыз белән танылдыгыз», — дип әйтеп үтте ул.

Татарстан фән эшлеклеләре, мәгариф, спорт, мәдәният, медицина хезмәткәрләре, социаль тармак хезмәткәрләре, зур холдинглар һәм промышленность предприятиеләре җитәкчеләре, судьялар берләшмәсе, прокуратура һәм эчке эшләр органнары вәкилләре, идарәчеләр һәм эшкуарлар дәүләт бүләкләренә лаек булдылар. 

Г. Тукай исемендәге татар дәүләт филармониясе артисты Владимир Васильевка — «Татарстан Республикасының халык артисты», артист-вокалист Светлана Гашыйгуллинага (Матвеева) «Татарстан Республикасының атказанган артисты» дигән мактаулы исемнәр бирелде.

Фотолар: ТР Рәисе сайтыннан алынды.