Субашта Бөек Ватан сугышында катнашкан авылдашлары хөрмәтенә һәйкәл урнаштырганнар

Теләче районының Субаш авылында Бөек Ватан сугышында катнашкан авылдашлары хөрмәтенә һәйкәл ясаганнар.

"Авылда һәйкәл бар иде. Шактый искергән иде инде. Узган елның октябрь аенда яңаны ясарга дип килешенелде", - диде Республика керәшен иҗтимагый оешмасының Теләче районы бүлеге җитәкчесе Пётр Чернов.

Һәйкәлне үзарасалым акчасына ясаганнар. Шулай ук, һәйкәл тирәсен төзекләндерү эшләре булган, янына брусчатка да салганнар. Алары инде федераль программа ярдәме белән эшләнелде, дип искәртте Айдар авыл җирлеге башлыгы Рифат Хазиев. Алга таба да биредә территорияне төзекләндерү һәм яшелләндерү буенча эшләр башкарылачак.

Фото: Церковь Святой Троицы с.Субаш,Тюлячинский р-н РТ