Сарсаз-Баграж сайлау участогында Конституциягә төзәтмәләр буенча алдан тавыш бирү башланды

Бүген Россия  Конституциясенә төзәтмәләр кертү буенча Бөтенроссия тавыш бирү башланды.  Төп тавыш бирү көне 1 июльдә булуга карамастан, иминлекне тәэмин итү максатыннан халыкны кабул итү 25 июньнән башланды. Башка сайлаулардагы кебек үк бу юлы да 18 яшен тутырган, Россия гражданины булган һәркем үз фикерен белдерә ала. 

Сарсаз-Баграж авылында урнашкан сайлау участогында да бүгенннән үк җанлылык сизелә. Тавыш бирүдә барлык санитар таләпләр дә үтәлә. Иң беренче булып Ирина Иванова үз тавышын биргән, - дип "Зәй офыклары" хәбәр итә. 

-Сайлаучыларыбыз һәрберсе дә аңлы, Конституциягә үзгәреш кертү кирәк дип табылган икән, бу чарада һәркем үз өлешен кертер дип ышанабыз. Хәерле сәгатьтә!   - ди участок сайлау комиссиясе рәисе Ләйсән Данилина.    

Фото: Зәй офыклары

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз. Яңалыкларыгызны 89172509795 номерына "Ватсап" аша языгыз.