Самара керәшеннәре «Олы көнгә – бүләкләр» темасына мастер-класс уздырды

Бәйрәм алдыннан авыл клубы хезмәткәрләре балалар белән кулдан бүләк ясау буенча мастер-класс үткәрделәр.

"Олы көнгә бүләк ясау – балалар өчен кызыклы һәм мавыктыргыч эш. Балалар белән үткәргән әңгәмәбез дә файдалы: йолаларны өйрәтү максатыннан иде. Без кошлар ясадык. Аларны өйгә керә торган урыннарга элдек, шулай итеп, безнең өйгә кергән һәркем "сак астыннан" үтә. Аз гына җилләгәндә дә кошлар үз уңай тәэсирләрен күрсәтеп, әкрен генә хәрәкәт итәләр. Алар шулай начарлыктан саклап, өйгә бәхет һәм ирек алып керә!" , – дип яздылар Назаровка клубы хезмәткәрләре.