Сәйтәктән Ксения Александрова – төбәкара конференция лауреаты

Менделееевск районының Сәйтәк авылында яшәүче Ксения Александрова «Создание историко-культурного и духовного наследия России» дип аталган VIII төбакара фәнни-гамәли конференциядә катнашакан. 

Ксения – Менделеевск шәһәренең №3 урта гомуми белем бирү мәктәбенең 10нчы классында белем ала. Ул инде күптәннән туган авылы Сәйтәк һәм анда яшәүче керәшен халкының тарихы белән кызыксына. Берничә ел дәвамында төрле чыганакларны өйрәнеп, авылның килеп чыгышы турында да шактый мәгълүмат туплаган. 

Конференциядәге чыгышын да әлеге темага багышлап, керәшеннәрнең кызыклы традицияләре, үзгә бәйрәмнәре турында да сөйләгән. 

Конференция дистанцион форматта узган. Россиянең башка төбәкләрендә яшәүче яшьтәшләре белән көч сынашу Ксения өчен зур тәҗрибә булган. 

Нәтиҗәдә, Ксения Александрова Лауреат исемен яулаган. 

Чыганак: Без бит Сәйтәктән!Мы из Сетяково!