"Туганайлар"га язылучылар арасында бүләк уйнаттык. Җиңүчеләрнең исемнәре билгеле

Агымдагы елның 2 яртыеллыгында "Туганайлар" газетасы укучылары арасында розыгрыш башлап җибәргән идек. Татарстанның төрле районнарында сибелеп яшәүче карендәшләребездән барлыгы 84 квитанция күчермәсе килде.

Укучыларыбыз  арасында, электр чәйниге, блендер һәм вафельница уйнаттык. Бүләкләрне алуда, спонсорларыбыз Республика керәшеннәренең иҗтимагый оешмасы идарәсе җитәкчесе Иван Егоров һәм "Шинник" спорт комплексы матбугат үзәге җитәкчесе Виктор Шадринга зур рәхмәтебезне белдерәбез.

Шулай итеп розыгрыш җиңүчеләре:

Электр чәйнеге: Кайбыч районы, Хуҗа Хәсән авылыннан Канашева Наргиза;

Блендер: Чистай районы Югары Кондрата авылыннан Чалмаев Федор;

Вафельница: Теләче районы Иске Карабаян авылыннан Демидова Светлана.

Карендәшләребезгә безнең белән булганнары, бәйгеләребездә актив катнашканнары өчен зур рәхмәтлебез! Һәрвакыт бергә һәм бердәм булыйк!