Римма Никитина: "Шәхси тормыш турында уйларга вакыт юк"

- Барысы да яхшы. Йөгерәм, мәш киләм, иҗат эчендә кайныйм. Күптән түгел бер атна Дубайда ял итеп, илһамланып кайттым. Сургут якларына да барып чыктым әле - концертларымны бик җылы кабул иттеләр. Хәзер инде Татарстан буенча сольный концертларым белән йөрим. Балтач, Питрәч, Арча район үзәкләрендә булдым инде. Хәзер зур авылларга чыгарга дип планлаштырып торам. Аннан Ульяновск өлкәсенә юл тотармын - бик чакыралар. Декабрь башында яңа җырыма клип төшерергә әзерләнәм, бу юлы сценариен үзем яздым.

Шәхси тормышымда әлләни яңалыклар юк. Дөресен генә әйткәндә, үзем турында ныклап уйларга вакытым да юк. Кинога, кичке очрашуларга чакыручы егетләр күп, ләкин күңелемә якын кешеләр горизонтта күренми әле.