Рабит Батулла: "“Туым җондозы” - керәшен халкының җаны ул"

Рабит БАТУЛЛА,  язучы, Татарстанның атказанган сәнгать эшлеклесе: 

– Керәшен бәйрәмнәрендә беренче мәртәбә генә булуым түгел. Беренчедән, мин үзем Зәй районындагы керәшен авылы Зәйчә Башта  (Олоҗы) үстем. Әти-әни укытучы иде. Сабый чагым шунда узды. Керәшеннәрнең Нардуган, Олы көн (Пасха), Яфрак бәйрәмнәрендә катнашып үскән малай буларак та, мине керәшеннәргә тарта. Аннан соң  әле,  мин керәшен кодасы да бит. Улым Нурбәк керәшен кызына өйләнде, аларның ике балалары бар хәзер. Инде кодалар белән бергә йөрибез. “Туым җондозы” – йолаларны, җырларны саклау, киемнәрне күрсәтү өчен  дә кирәк. Гомумән, керәшен халкының җаны бит инде ул “Туым җондозы”...   

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз