Поезд пассажирларына билет алу өчен кирәкле документлар исемлеге үзгәртелде

2022 елда Россия транспорт министрлыгы тимер юлда пассажирлар, багаж, йөк багажы ташуның яңартылган кагыйдәләрен раслады, алар 1 сентябрьдән гамәлгә керә.

ракка йөри торган поездга билет кешенең шәхесен раслый торган документ турындагы белешмәләр нигезендә бирелүе турында языла яңа кагыйдәләрдә.

Бу кагыйдәләр нигезендә, шәхесне раслый торган документларга түбәндәгеләр керә:
— Россия гражданины паспорты;
— дипломат һәм эш (служебный) паспорты;
— чит ил гражданины паспорты;
— туу турындагы таныклык (14 яшькә кадәр);
— Россия гражданинына вакытлыча бирелгән шәхес таныклык;
— Россия хәрби хезмәткәренең (яки диңгезчесенең) шәхси таныклыгы;
— иректән мәхрүм итү урыннарыннан азат ителү турындагы белешмә һ.б. 

Билгеләп үтелгәнчә, элекке кагыйдәләрдә мондый төгәл исемлек булмаган.

РЖД хәбәр итүенчә, хәзер аларның сайтында поезд, самолет һәм автобуска билетлар алырга мөмкин.

Татар-информ