Олы көн алдыннан авыл чиркәүләрендә өмәләр уза

Олы көнгә карендәшләребез зурлап әзерләнә. 7 атна кырыс ураза тота, җазыкларына кичерү сорап, тәүбәгә килеп, күңелләрен аруландыра, йорт-җирләрен, каралты-кураларын җыештыра. Үз нигезләрен генә түгел, авылдагы Ходай йортларында да өмәләр уза.

Карендәшләребез яши торган берничә чиркәүле авылдан шундый ару хәбәрләр килде. Менә аларның берничәсе: Мамадыш районының – Колышчы, Чия башы; Менделеевск районының – Иске Гришкин; Тукай районының – Борды; Балык Бистәсе районының Керәшен Казысы авылларында чиркәүләрне өмә ясап җыештырганнар, юганнар. Мондый кирәкле эш башка авылларда да башкарыла.

“Фото, видеолар төшерү башка да килмәде. Бу бит мактанып сөйли торган эш түгел. Бу – бик зур саваплы һәм тиешле эш”, – дип әйтәләр өмәдә катнашучылар.