Марафончылар Апаста очрашканнар

Әллә каян авызын ерып килүче Роза Маракинаны үзем дә шунда ук танып алдым. Керәшенчә марафонда катнашкан кызларны ничек танымыйсың ди инде? Апаста узган «Әдәби марафон»га ул да килгән иде. Җитез генә сумкасыннан китап чыгарып, бүләк белән дә сөендерергә җитеште әле. Марафоны әдәби бит! Беренче тапкыр «Лидия түти!» дип язылган китап Роза Маракинадан булды! Алайса бит мин я Лидия Семёновна, я Лидия апа идем. Зур рәхмәт сиңа, Мөслимдәге Сарман кызы Розочка Маракина! (Контактта нәкъ менә шундый исем белән утыра ул.)

Очрашып, аралашып, күрешеп яшәргә язсын! Исән-сау булыйк! Мамадыштан кайнар сәлам барыгызга да!

Лидия Пасыева, 
Мамадыш, Усали.