Людмила Белоусова: “Кряшен чибәре”нең еллар буена урнашкан форматын үзгәртәсе килми

- Онлайн форматта керәшен чибәре конкурсы үзенең мәгънәсен, үзенең эчтәлеген югалта. Чын керәшен чибәрләре конкурсының үзенең 20 еллык тарихы, үзенең традицияләре бар. Чын чибәрләр конкурсы ул - бер чибәрнең икенче чибәргә корона тапшыруы, җитәкчеләрнең җиңүче кызга корона кидертүе. Катнашучыларның якыннары, дуслары, авылдашларының кызлар өчен җан атып торуы. Алар белән бергә конкурста катнашулары. Андагы атмосфера, конкурстагы азарт, хисләрне, традицияләрне, тарихны онлайн форматта тапшырып булмый. Безнең конкурс аңа туры килми. Конкурс онлайн булса, икенче төрле узарга тиеш. Ә менә “Кряшен чибяре”н бүтәнчәрәк күз алдына китерәбез. Киләсе елда кызларны чын Питрауда, чын мәйданда, чын сәхнәдә күрсәтергә, сынарга булдык. “Кряшен чибәре”нең инде ничә еллар буена урнашкан форматын үзгәртәсе килми, - дип белдерде Республика керәшен иҗтимагый оешмасының исполком җитәкчесе Людмила Белоусова.

Бу темага: "Кряшен чибяре" конкурсы онлайн "Питрау-2020" программасына кертелмәде

Конкурс "Питрау чибәре - Online"