«Кряшен чибяре-2024» титулын Светлана Иванова яулады

«Кряшен чибяре-2024» титулына ия булу өчен, 9 чибәр керәшен кызы көч сынашты: Ангелина Александрова (Алексеевск районы), Алеся Димитриева ( Зәй районы), Анжелика Иванова (Кукмара районы), Светлана Иванова (Мамадыш шәһәре), Тамара Минова (Яр Чаллы шәһәре), Ариана Кадыйрова (Мамадыш районы), Лиана Маркова (Башкорстан республикасы), Марина Морозова (Питрәч районы), Милена Новикова (Балык Бистәсе) .

18-28 яшьлек кызлар катнашкан бу конкурста беренче урынны яулап Татарстан күләмендәге «Кряшен чибяре» Светлана Иванова булды.

Икенче урында — Милена Новикова, өченче урында — Анжелика Иванова.

Ариана Кадыйрова Мамадыш муниципаль районының «Кряшен чибяре» булып танылды. 

Шулай ук, һәрбер кыз аерым номинацияләрдә дә җиңүче дип табылды:

Алеся Димитриева - «Онлайн Кряшен Чибяре»;

Ангелина Александрова - «Иң сөйкемле»;

Лиана Маркова- «Иң җакшы биюче»;

Тамара Минова - «Иң иҗади»;

Марина Морозова - «Керәшен җанлы».

"Бәрәкәт" яшьләр бүлегеннән махсус номинация – Питрау чибәре – Лиана Маркова. 

Кызларның барысына да диплом һәм бүләкләр тапшырылды.

Нәтиҗәләрне игълан иткәннән соң, кызлар «Кряшен Чибяре» конкурсы гимнын башкардылар.

Алина Кондратьева фотолары