Колышчы авылы керәшеннәре "Онлайн Питрау"га әзерләнә – фото

Җиде көн – Питрау атнасы дәвамында керәшен халкы, дөньясы һәм культурасы төрле онлайн-мәйданчыкларда күрсәтеләчәк.

"Онлайн Питрау" программасына Республика керәшен оешмасының районнардагы бүлекләре, фольклор коллективлары һәм керәшен артистлары җәлеп ителәчәк. Керәшеннәр күпләп яшәүче районнар, үзләрен күрсәтеп, видеоязмалар һәм туры эфирлар әзерли.

Мамадыш районының Колышчы авылы керәшеннәре дә Питрауга сюжетлар әзерли. Музейларыннан онлайн-экскурсия дә, керәшен киемнәре буенча мастер-класслар да төшергәннәр. Боларның барысын 12-18 июль көннәрендә күреп булачак. Кайсы вакытта һәм нинди көндә карап булачагын сайтыбызда хәбәр итәрбез. Яңалыкларны күзәтеп барыгыз.

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз. Яңалыкларыгызны 89172509795 номерына "Ватсап" аша языгыз.