Клавдия Иванова “Туганайлар”ны яратып укуын сөйләде

Хәзерге вакытта Алексеевскиның үзендә гомер итә. 

«Туганайлар» газетасын сагынып көтеп алабыз, ирем 7 ел элек мәңгелеккә күчте. Әнисе рус милләтеннән булса да, үзен «чын керәшен мин» ди иде, дип искә алды ул ирен:

«Мин башта үзем алдырган газеталарның башкаларын карап-укып чыгам да, үзебезнең керәшен газетасын ахырга калдырып, озаклап укыйм. Шул кадәр күңелем тула, елый-елый укыйм. Барлык керәшеннәр тормышы яктыртыла. Без үскәндәге йола-бәйрәмнәр хакында искә төшереп, хәзерге вакытта аларның яңаруы турында шатланып укыйм. Авылга бик еш килә алмыйбыз. Шулай да бәйрәмнәрне калдырмыйбыз» ,– дип сөйләде Клавдия түти.