Күке Питрау көнендә дурычмак белән тыгылган

Питрау йолалары бик күп төрле. Ә менә элек йола ризыгы - дурычмак пешергәннәрен беләсезме? “Питрау көнендә күке дурычмак белән тыгылган”, дигән әйтем бар. Шуңа күрә, Питраудан соң күке саташып кычкыра башлаган, диләр. Дурычмакны мичтән чыгарганда, яшьләргә, кунак кызларына “Күке” исемле шаян такмаклар җырлап чыгарганнар:
Чуар күке күклидер,
Сука өстендә туктыйлар.
Безнең уен уйнаулар да
Питрау җиткәч туктыйдыр.
И узала, узала
Кулда көмеш тузала
Тузса тузсын көмешебез
Уеныбыз узала.
Узса уен уеныбыз
Утырырбыз аулакта.
Утыртмаслар аулакта
Апчыгарлар уракка.