Күбәләк килмәсен

Кәбестә күбәләге сезонга 200дән артык йомырка салырга сәләтле. Ул кискен исләрдән курка. Кәбестә арасына әрем, гөлбадран ботаклары ташлый аласыз, шиңгән саен яңаларын салырга кирәк. Кәбестә янында тырнак гөл (фотода), бәрхет чәчәк, сельдерей үстерергә була.

Түтәл уртасына таяк кадап куярга, каен дегетенә манылган чүпрәк урарга да ярый. Күбәләк дегет исен яратмый, бу тирәгә якын килмәячәк.

Тәмәке тузаны,агач көле һәм төелгән кызыл борыч катнашмасы сибә аласыз. Бу катнашма кәбестәнең тагын бер зур дошманы — әвернәчәчәклеләр борчасын да куркыта. Яңгырдан соң яңартырга кирәк булачак.

Чыганак