Казан-Зәй арасы мәхәббәткә юл салган

Аларның икесенең дә әти-әниләре — керәшеннәр. Юлиянең әтисе Сергей — Сәвәләйдән, әнисе Галина — Зур Нырсы авылыннан. Леонидның әтисе Владимир — Иске Зәйдән, әнисе Юлия — Сарсаж Баграждан. Аларның икесенең дә балачагы Зәйдә узган. 

Казан-Зәй юлында, кечкенә генә "Газель«да барганда танышканнар алар. Беренче караштан ук ике арада мәхәббәт кабынган.

«Юл буе аңа карап бардым. Шундый ошаттым үзен. Минем караганны сизеп алгач, Леонид: «Ник миңа шулай карыйсың?» — дип эндәште. Аңа ни дип җавап биргәнмендер, хәтерләмим... Шул көннән танышып, аралашып киттек, очрашып йөри башладык», — дип сөйләде Юлия.

Туй көнне, Зәй шәһәрендәге чиркәүгә кереп, кәбен койдырганнар. 

Матур керәшен гаиләсе бүгенге көндә Казан шәһәрендә яши. Леонид — авиация заводында эшли, Юлия рәссам.