Карендәшебез Николай Александровның шигырь җыентыгы чыккан

Питрәч районының Керәшен Сәрдәсе егете Николай Александровның "Һәр мизгелнең үз яме бар" дип исемләнгән шигырьләр җыентыгы чыкты. 

– Яңа елга ике зур бүләк! Беренчесе – Питрәч җирендә яшәгән каләмдәшләремнең иҗат җимешләре тупланган "Үз җиремдә туган аһәң" исемле шигырьләр җыентыгы дөнья күрде. Китапта минем дә берничә шигырем урын алган. Бу уникаль басма район китапханәсе хезмәткәрләренең тырышлыгы нәтиҗәсендә дөнья күрде. Шулай хөрмәтләгәннәре өчен зур рәхмәт аларга.

Икенчесе – ниһаять, күңелемдә озак еллар саклап йөргән хыялым тормышка ашты - шигырьләрем тупланган "Һәр мизгелнең үз яме бар" исемле җыентыгым басылып чыкты, – дип язган ул үә сәхифәсендә.

Николай Сергеевич озак еллар дәвамында туган авылы һәм район үзәге мәктәпләрендә укытучы була. Мәктәп директоры, Питрәчтә "Алга" газетасы редакторы булып эшли. Аны шигърият дөньясына якынайтуда керәшеннәрнең аһәңле җырлары этәргеч була. Николай Сергеевич - "Питрәч таңнары" әдәюи берләшмәсенең актив авторарыннан.