“Карчыга”, “Бәчүкә”, “Әскә” — Поршур авылында тагын нинди кушаматлар булган?

Кукмара районының Поршур авылы егете, “Бәрәкәт” яшьләр бүлеге җитәкчесе Алексей Дмитриев туган ягының тарихы белән кызыксына икән. 

Яшүсмер чакта авыл тарихы, аның кешеләре белән кызыксына башладым. Аеруча, кушаматлар турында мәгълүматлар җыйдым. Араларында бүгенгә кадәр сакланганнары бар. “Карчыга”, “дәү Симоннар”,  “Бәчүкә”, “Әскә”, “урман Сәндере” һәм башкалар. Безнең гаиләнеке - “Кәреләр”. Бабайдан калгандыр ул, дип уйлыйм. 1905 елгы язмада Кәре исемле бер карт Поршур авылының килеп чыгышы турында сөйли. Түбән Чурадан халыкның бер өлеше - керәшеннәр өч күл белән уратып алынган биш чишмәле җиргә күченгәнен әйтә.

Нумизматика белән дә ныклап кызыксынам. Поршурда көмеш тәңкә, корал очлыклары тапканым булды. Кызганыч, хәзер өлгерә алмыйм. Ул эшне авыл яшьләре дәвам итсә, шат булыр идем.

Алексейнеың үзе белән тулы әңгәмәне "Туганайлар" газетасының 22 сентябьдә чыккан санында укый аласыз.