Канатлы дусларыбызга булышабыз

Әллә кайлардан бала чыгару өчен арып-талып кайталар бит алар. Кайтуларына әзер оялар булса ярый ла...

"Без, гаиләбез белән оныгыбыз йөри торган “Дуслык" балалар бакчасының уен мәйданчыгына сыерчык оясы ясап куярга кирәк дигән фикергә килдек. Агач эшенең остасы булган бабаебыз бу тәкъдимне берсүзсез хуплап алды һәм эшкә тотынды. Сыерчык оясы әзер. Уен мәйданчыгындагы каен агачына урнаштырып та куйдылар”, – дип хәбәр итте Балык Бистәсенең Бирдебәк авылыннан Евдокия Толстова.