Кайбыч керәшеннәре әниләр көне уңаеннан концертлар оештыра

Бу көннәрдә Кайбыч районының керәшеннәр тора торган авылларында Әниләр көненә багышланган концертлар оештырыла. Бу хакта Иске Тәрбит авылының мәдәният йорты җитәкчесе – Любовь Тимофеева хәбәр итте. 

– Иске Тәрбит, Хуҗа Хәсән, Мәлки җирлекләренә кергән авыл халкы – клубларның сәнгать җитәкчеләре, үзешчәннәре, библиотека хөзмәткәрләре белән җыелышып, һәр авыл әниләре өчен концерт программасы әзерләдек. Шушы ишле коллективыбызны "Керәшен йолдызлары" дип атадык. 19 ноябрь – Турминскоеда, 20 ноябрь – Кушкүлдә, 22се – Иске Тәрбиттә, 23 – Полевая Буада "Әнием – күз нурым" концертын куйдык. Җылый-җылый, кул чабып карап утырдылар, – дип сөйләде ул. 

Фото: Любовь Тимофеева