Иван Пугачевның чираттагы җиңүе

Бәйгенең максаты — мәктәп укучыларын үзләренең иҗади мөмкинлекләрен файдаланырга өйрәтү, аларның талантларын ачу, сәләтләрен үстерү, рухи һәм интеллектуаль яктан баету. 

Финал ярышы алдыннан укучылар инде үз районнарында иң-иңе булырга өлгерделәр. Чөнки алар моңарчы мәктәп, ә соңыннан инде район күләмендә сайлап алу этапларын узып, үз сәләтләрен күрсәттеләр. 

Беренче турда парлар үзләре белән таныштырдылар. Бу этапта яшьләр үзләрендә булган барлык иҗади сәләтләрен күрсәтте. 

Ярышның икенче этабында яшьләр Казанның иң шәп урыннарына виртуаль экскурсия үткәрде. Моның өчен алар алдан ук үзләрен репортер буларак сынап карады. 

Бәйгенең өченче этабы йолаларга багышланган иде. Бу этапта укучыларның уйнау сәләте генә түгел, ә йоланы ачып бирү бәяләнде. 

Соңгы, дүртенче этапта исә, яшьләрнең креатив фикерләве, иҗадилыклары бәяләнде. Аларга алдан ук «заманча милли коллекция ясагыз» дигән бирем тәкъдим ителгән булган. Монда яшьләр кастом, чигү, заманча һәм көнкүреш киемнәргә милли бизәк, телефон өчен милли букча ясадылар. 

«Татар кызы, Татар егете-2023» бәйгесенең Гран-при ияләре — Мәскәү районыннан Нигъмәтуллина Амелия һәм Яңа Савин районыннан Сафин Кәрим.

Башка елларны катнашучыларны номинацияләр белән бүләкләсәләр, быел исә аларга урыннар бирелде.

Шулай итеп, 1 урынны Идел буе районыннан 16 гимназия укучысы Сәмирә Минһаҗева һәм Идел буе районының 69 мәктәп укучысы Иван Пугачев яулады.

Чыганак