Иске Зәйдә тал чыбыгыннан чын сәнгать әсәрләре ясаучы яши

Петр Михайлович бу һөнәр белән балачактан мавыга, эш серләренә тәҗрибәле әтисеннән өйрәнә.  Әнә шулай эшли-эшли ул тәҗрибә туплый, тал чыбыкларын сындыра-сындыра, ялгышларны төзәтә-төзәтә осталыкка өйрәнә. Һәм бу борынгы шөгыль белән чынлап торып мавыгып китә.

Шулай да бүгенге көндә тал чыбыгыннан төрле әйберләр ясау аның өчен эш кенә түгел, ә чын мавыгу да. Кичләрен, буш вакытында яраткан шөгыленә тотына. Гөл чүлмәкләре, ипи, җиләк-җимеш савытлары һәм башкалар – болар барысы да тал чыбыгыннан ясалган һәм бүлмәләргә үзенә күрә бер ямь өсти. Менә зур гына кәрҗин, аңа юылачак керләрне салырга мөмкин. Ни дисәң дә, табигый материалдан ясалган әйберләр ясалмага караганда матур да, сәламәтлек өчен дә файдалы...

Петр Михайловичның гаиләсе зур, 3 баласы, 6 оныгы һәм 4 оныкчыгы бар. Хәзер ул аларны да әлеге үзгә  шөгыльгә өйртә. Шулай итеп, халык һөнәрләре буыннан-буынга күчеп  саклана һәм яши.

Фотолар яшьләр эшләре идарәсеннән, "Зәй офыклары"