Иске әйберләргә яңа сулыш бирәбез

Һәрберебезнең өендә иске, киелми торган киемнәр бар.

«Ул киемнәрне бервакыт кирәге чыгар әле дип, пакетларга, тартмаларга тутырып яисә шкафның иң эченә үк яшереп кую иң зур ялгышлык! Хәзер кирәк булмаган кием башка вакытта да кирәкмәячәк. Бу кирәкмәгән кием-салымнан ничек тә булса котылу ысулларын эзләп табарга кирәк. Чөнки иске киемнәр тормышның уңай барышына комачаулый, сәламәтлегебезгә зыян китерә.

Ул киемнәрдән ничек котылырга соң?
Без яшәгән авыл җирендә иске киемнәр җыю урыны юк. Шунлыктан кирәкмәгән кием-салымны әрәм итмибез. Башыбыздагы фикерләрне чынга ашырып, иске әйберләргә яңа сулыш бирәбез. Иске киемнәрне кисеп, җеп әзерләп, идәнгә җәю өчен түгәрәк паласлар үрәбез. Ягъни дөньяны чүптән коткарабыз»,— ди Бирдебәктән карендәшебез Евдокия Толстова.