Илдә дәүләт сәүдә челтәре булдыру зарур

Балалар хокукы буенча Татарстандагы вәкаләтле вәкил Ирина Волынец дәүләт челтәре оештырып, анда көндәлек тормышта иң кирәкле товарларга бәяләрне тотрыклы итү тәкъдиме белән чыккан.

Россия хөкүмәте председателе урынбасары Андрей Белоусовка юллаган мөрәҗәгатендә ул, хәзерге вакытта әйбер хакының бик нык артканлыгын, “шул сәбәпле, көндәлек тормыш өчен мөһим булган азык-төлекне, башка төр товарны һәм балалар өчен  кирәкле товарны үзкыйммәтенә өстәлә торган бәядән  (“торговая наценка”) башка гына сату кирәклеген әйтә.

Бу чараның халыкны сәүдә базарында бәяләрнең нигезсез артуыннан саклаячагын искәртеп, Волынец үз мөрәҗәгатен Россия Дәүләт думасы комитетларына да җибәрергә җыена.

Фото: pixabay.com