“Игәнә” – “Казан сөлгесе”нең II дәрәҗә лауреаты

Казан шәһәренең «Сәйдәш» мәдәният үзәгендә оештырылган VIII «Казан сөлгесе» җыр һәм бию сәнгате фестивалендә Сарман районының Ләке авылыннан «Игәнә» керәшен халык фольклор ансамбле катнашты. 

Райлә Асанова җитәкчелегендәге бу ансамбль фестивальдә «Игәнә буйлары»н һәм, шулай ук, «Урамнардан кемнәр килә» керәшен халык җыруын башкарган. 

— Безнең «Игәнә» ансамбле чыгышын жюри югары бәяләде. Бу безгә тагын да зуррак җаваплылык йөкли. Керәшеннәрнең үз җыруларын, мәдәниятен саклау, аны халыкка җиткерү һәм «Игәнә»гә талантлы яшьләрне тарту уе белән яшибез», — дип сөйләде Ләке мәдәният йорты директоры, фестивальгә ансамбльне алып килүне оештырган Римма Антонова.