Яшь, талантлы җырчы карендәшебез Ольга Бачкова - редакциябез кунагы

Ольга кечкенәдән үк сәхнәдә чыгыш ясарга хыялланган һәм үз хыялына тугры калган. Ике як гаиләсе дә җыр-моңга гашыйк аның. 

Җырга мәхәббәте 5 яшьтән үк уянган Оля башта музыка көллиятен, аннары югары уку йортын тәмамлый. Һәм менә 2019 елдан бирле «Бәрмәнчек» керәшен дәүләт фольклор ансамбле солисты.

— Бәләкәйдән бирле чаңгыда да яратып шуам, ярышларда катнашып, гел җиңүчеләр рәтендә идем. Шуңа күрә үсә төшкәч, спорт белән җыр арасында сайларга туры килде. Гаиләм белән киңәшләшкәч, яхшылап уйлагач, иҗат юлын сайларга булдым, - дип сөйли Оля.

Ольга «Бәрмәнчеккә» ничек килеп эләккән? Киләчәккә планнары нинди? Сольный карьера турында уйланамы? Бу һәм башка сорауларга җавапны Ольга белән уздырылган әнгәмәдән белерсез. Ә ул әңгәмә «Туганайлар» газетасының 25 январь санында басылып чыгачак.