Яр Чаллы керәшеннәре айлыгы концерт-тамаша белән башланып китте

Мартта Я.Емельянов исемендәге мәдәни үзәкнең "Җакын дуслар җыелышкач" проектын Яр Чаллы керәшеннәре дәвам итә. Айлык дәвамында узачак чаралар белән инде таныштырып узган идек. 

1 мартта Яр Чаллының "Родник" Халыклар Дуслыгы йортында "Арулармысез, якын туганнар" дип аталган концерт-тамаша узды. Ул "Карендәшләр" халык ансамбле, Виталий Агапов һәм аның уллары, җирле үзешчән башкаручылар катнашында узды. Сүз уңаеннан, кичәдә удмурт карендәшләребез дә катнашты. 

- Чаллы керәшен җәмгыятенә быел 32 ел. Бу вакыт кеше гомерендә дә эз калдыра, ә оешма тарихы өчен тагы да зуррак сан. Бәйрәмнәребезне матур итеп уздырабыз. Алар да зур әһәмияткә ия. Халыклар Дуслыгы йортындагы башка оешмалар белән дә тыгыз эшлибез. Айлык дәвамында зур эшләр көтә. Казанда булачак чараларга да һәркемне алып барырга без риза, – дип тамашачыларга мөрәҗәгать итте Яр Чаллы керәшеннәре бүлеге җитәкчесе Виталий Агапов.

Бәйрәм бер тында, үзебезчә күңелле узып китте. 

Кичәгә килә алмаучылар аны туры эфирда карый алды.