Федотовкадан Андрей Григорьев табиб булды

Андрей Александрович мәктәпне уңышлы гына тәмамлаганнан соң, Әлмәт медицина колледждында укый(фельдшер). Аннан Лениногорск шәһәрендә ашыгыч ярдәм бүлегендә эшли башлый. Шул ук вакытта Ульяновск Дәүләт университетына укырга керә. Анда ул медицина факультетының «Педиатрия» бүлегендә белем ала. Аның балачактан ук табиб булу хыялы көчле була һәм ул үз максатына иреште.

Тырыш, белемле, тынгысыз табиблар җәмгыятебезгә бик кирәк. Табиб һөнәре – бик җаваплы һәм авыр хезмәт.

Андрей Григорьев:

«Әйе, балачактан ук табиб булырга хыялландым. Ләкин табиб булу өчен, теләк кенә җитми, ә тырышып, яхшы билгеләргә генә укырга да кирәк.  Мин кешеләрне дарулар белән генә түгел, ә йомшак сүзем, шифалы кулларым белән дә дәваларга тырышачакмын. Авыруларның хәлләрен җиңеләйтү, аларны дәвалау бик мактаулы, гадел, кирәкле хезмәт дип саныйм. Кешеләрне сәламәтләндереп шатландырасым килә минем», – диде