Федотовкада борынгы йоланы үтәделәр - видео

Лениногорск районының Федотовка авылында быел да электән үк сакланып килгән Тручын йоласын үтәделәр. Иртә белән урманнан каен алып кайттылар. Александр Григорьев каен каршында иман укыды. Шуннан соң, һәркем теләк әйтеп каенга яулыклар, төсле тасмалар элделәр. Аннары шул каенны күтәреп, халык җырулары җырлап, һәрбер йорт саен тукталыш ясап, авыл урамнарын әйләнделәр. Кич җиткәч авыл халкы Сабантуйга җыелды.