Балык Бистәләре авыл хуҗалыгы ярминкәсендә катнашты

6 апрельдә Осиново бистәсендә үткән авыл хуҗалыгы ярминкәсендә Балык Бистәсе районының Масловка, Казаклар Чаллысы, Трой-Урай, Шетнево Тулуш авыл җирлекләре катнашты.

Шәһәр халкы өчен ярминкәләр - кышлык азык-төлек запасын туплау өчен яхшы мөмкинлек. Шулай булмый ни, экологик яктан чиста бәрәңге, сөт продуктлары, ит, балык, бал һәм башка продукцияне, агач үсентеләрен арзанрак бәядән алу мөмкинлеген бер кешенең дә кулыннан ычкындырасы килми.

 “Сәүдәдән кергән акча СВОдагы егетләргә булышу өчен тотыла. Казаклар Чаллысы авыл җирлегенә кергән Бирдебәк авылы клубы исеменнән халык өчен экологик яктан чиста, ышанычлы азык-төлек һәм башка продукцияләр тәкъдим иттек”, – дип хәбәр итте Бирдебәк авылы клубы җитәкчесе Евдокия Толстова.