Бакчадан ук нардуганчы булырга өйрәтәләр

"Сказка" балалар бакчасына төрле милләт балалары йөри, моны күздә тотып, анда эшләүче педагоглар тәрбия процессын йола-гадәтләр һәм милли чаралар белән үреп бара.

– Безнең бакчада Яңа ел һәм Рождествоны каршы алганнан соң, Нардуган атнасы башлана. Йорттан-йортка йөреп, халыкның күңелен күтәргән, муллык теләгән нардуганчыларны һәркем ярата. Балалар белән дә бакча кысаларында бу традицияне үтәргә булдык. Кызык костюмнар киеп, тәрбиячеләр дә, балалар да төркемнән-төркемгә йөреп, җырлар, колядкалар, кыска теләкләр теләп йөрибез. Каршы алучылар да җавапсыз калмый – тәм-томнарын әзер тоталар. Аннан, конфет, пряник, пироглар белән чәй эчәбез. Әнә шулай кызык уза бездә Нардуган, – дип хәбәр итәләр "Сказка" балалар бакчасы тәрбиячеләре. 

Нардуган атнасын үткәрү инде матур традициягә дә әйләнергә өлгергән. Ә балачакта кереп калган күңелле хатирәләр – мәңгелек бит алар.

Фото: Детский сад "Сказка" посёлок Красный Ключ НМР РТ