Бакалыда онлайн форматта "Троицк" фестивале үтте - видео

Бүген, 27 ноябрь көнне, Башкортстан республикасының Бакалы районында төбәкара "Троицк" фольклор коллективлар фестивале үтте. Фестиваль онлайн форматта узды.

Фестивальдә катнашучыларны Башкортстан керәшен иҗтимагый оешмасы җитәкчесе Геннадий Марков сәламләде. “Быел фестиваль билгеле сәбәпләр буенча онлайн форматта уза. Шуңа да карамастан, фестивальдә катнашырга теләк белдерүчеләр күп булды. Әлеге фестиваль саклансын, дәвамлы булсын һәм безнең республикабызның мәдәниятында үз урынын алсын”, - диде ул.

Фестивальдә Башкортстанның Октябрьский, Илеш, Чакмагыш, Дүртөйле, Шаран районнарыннан “Сөнәкәй", “Ахманай”, “Симет-тау”, “Туганайлар”, “Туганайлар”, “Идәш баш”, “Әллүки”, “Рябинушка”, “Волюшка”, “Тальянки”, “Сеспел” “Мирас”, “Шевле”, “Родные узоры”, “Калинушка”, Чиләбе өлкәсе Нагайбак районыннан “Ностальгия”, “Надежда”, “Гомер”, Татарстанның Мамадыш районыннан “Җиңгәчәйләр”, “Урагай”, Сарманнан “Айбагыр”, Казаннан “Сәлам”, “Тумар” ансамбльләре катнашты.