«Байтирәк» («Древо жизни») проекты кысаларында керәшен туйларын да сәхнәләшетәрчәкләр

Күптән түгел татар, рус, удмурт һәм, шулай ук, керәшен туйларына киңрәк тукталып, туй этапларының кайсыларын сәхнәләштерергә мөмкинлеге турында сөйләшкәннәр иде. «Байтирәк» мәгърифәти проектының беренче чарасы 3 июльдә 18.00 сәгатьтә Горький исемендәге паркта була. Бу хакта «Татар-Информ» яза. 

Җиде милли ишегалдында Татарстан районнарыннан фольклор коллективлар үзләренең туй йолалары программасы белән таныштыра. Бәйрәм кунаклары төрледән-төрле остахнәләрдә катнаша ала. Алар арасында: балчыктан күгәрчен формасында парлы фигуралар эшләү, керәшеннәрнең «тамакса» (түшлек) ясау, татарларның туй яулыкларын чигү, чуваш орнаменты белән савыт-саба, удмурт һәм мордва күкрәк бизәге, мари саклагычлары, ширкама ясау, агачка уеп бизәк төшерү, ир-ат билбавын үрү, башкорт яулыгы чигү һәм янчык ясау буенча мастер-класслар бар.

Концерт мәйданчыгында «Бәрмәнчек» дәүләт керәшен халык фольклор ансамбле дә чыгыш ясаячак.