"Айбагыр"да соңгы көн: балалар азаккы тапкыр линейкага тезелде һәм ярминкәдә катнашты

26 август көнне "Айбагыр" этносменасы балалары "Кама" лагерында иң соңгы көннәрен үткәрделәр.

Иң соңгы линейка

Бу көнне лагерьда ярминкә оештырылды. Ярминкәдә керәшеннәргә багышланган китаплар, "айбагыр" атрибутикасы, тәм-томнар, мәктәптә кирәк-яраклар һәм башкалар сатылды. Киштәләрдә күрсәтелгән товарларны балалар смена дәвамында ирешкән уңышлар өчен бирелгән "Айбагыр" лагерының махсус валютасы - "айбагырчыкларга" ала алды.