Ахманда мәдәният йорты яңартылды

Хәзер авыл халкы яңартылган бинада бәйрәмнәр үткәрә, ял итә һәм шунда ук урнашкан китапханәдә рәхәтләнеп китаплар укый ала.

– Бу вакыйганы авылдашлар күптән көтте. Ремонт бик яхшы эшләнгән, төзүчеләр тырышканнар. Авыл халкы бирегә килеп, күңел биреп ял итәр, кәефен күтәрер, ә яшь буын үз кызыксынуларына карап шөгыль табар дип ышанабыз. Ахман авылы керәшеннәре әби-бабайлардан калган традицияләрне, йолаларны сакларга тырыша. Хәзер мөмкинлекләребез тагын да артыр, якты, иркен мәдәният йортында үткән милли бәйрәмнәрдә олылар гына түгел, яшьләр дә, балалалар да теләп катнашыр. Ел саен китапханәгә берсеннән-берсе кызыклы китаплар кайтып тора. Китапны якын дус иткәннәр дә җитәрлек. Алар китапханәгә йөрергә ярата, ремонттан соң инде биредә озаклап утырып китап уку өчен тиешле уңай шартлар бар”, – дип яздылар мәдәният йорты хезмәткәрләре.