Авыл мәдәният йортларында түгәрәк өстәлләр оештырыла

Зәй районының Сәвәләй авылында да  "гаиләдә бер-береңне ишетү –  гади фән" темасына түгәрәк өстәл оештырдылар.

“Безнең гүзәл кызлар хатыннар, әниләр булачак. Менә бу темага без сөйләштек, бер-беребезне ничек ишетергә, гаиләдә ничек татулыкны саклау турында фикер алыштык.

Гаиләдә дөрес тәрбия булуы күренә, кызлар югалып калмадылар, шунда ук үз фикерләре белән уртаклаштылар”,– дип сөйләде мәдәният йорты җитәкчесе.

Село-Чура мәдәният йортында яшьләр белән «Террорчылык һәм аның билгеләре»темасына мәгълүмати түгәрәк өстәл үткәрелде. Социаль роликлар һәм презентацияләр карау оештырылды. Ахырда фикер алышу һәм сорауларга җаваплар бирү өлешен уздырдылар.

Фотолар мәдәният йортыннан алынды.